Dons Meyn Bosskawen
 | |
| Sort |
kylgh meyn, tyller hendhyskoniethel  |
|---|---|
| Doronieth | |
| Gwlas |
 Kernow |
| Kesordnogyon |
50.089833°N 5.619322°W |
 | |
Dons Meyn Bosskawen yw dons meyn Oos Brons ogas dhe Eglosveryan, yn Kernow. Nownsek men serth yw yn kylgh hir, gans men aral ow posa soth a'n kres. Yma aswa yn west an kylgh, hag a alsa bos entrans. Yma an dons men orth kampollans rosweyth kenedhlek SW412274. Y hyllir gweles an mor a'n dons meyn, keffrys ha Dons Meyn Rosmodres ha meynhir an dew Biber.
Fondyes veu Gorsedh Kernow omma yn 1928, drefen trias kembrek hag a venek onan a'n tri chif gorseddau a Enys Vreten avel "Beisgawen yn Nyfnwal" (Bosskawen yn Dumnoni). An Orsedh a veu synsys omma arta yn 1937 ha 1950. An hanow 'Bosskawen' yw furvys a'n ger 'bos' ha'n gwedhen skaw.
Etek a'n nownsek men yw gwrys a rowan loos hag onan anedha a ganndir. Treuslinen an kylgh hir yw 24.9 meter ha 21.9 meter. Savla an men kanndir y'n sothwest a alsa meneges savla an howl wosa Kalan Gwav. Yma petroglyph diwdros po bool war an men kresel, hag yw tanow yn Breten Veur. Ny splann golow an howl yn leun war an gravyansow marnas orth howldrevel war howlsavla an hav. An kylgh yw alinys gans an howl ow trehevel war howlsalva an gwav a Aswa Nansmornow.
Yma'n erthygel ma owth usya an Furv Skrifys Savonek a-barth Kernowek kres.
|
Porth Kernow – Tre rag folennow ha klassys Wikipedya a-dro dhe Gernow. |