Cregydnek

Cregynegyon; Efander menhesennow: ; Kembrek – lemmyn 555–0 Ma
Klassans bewoniethek
Gwlaskor:	Animalia
Isgwlaskor:	Eumetazoa
Ughfylum:	Lophotrochozoa
Fylum:	Mollusca
Urdhow
	Gastropoda - Bulhornes ha melwhennow; Bivalvia - Cregyn dewworher; Polyplacophora - chitones; Cephalopoda - Stifoges ha kellylli-lesa; Scaphopoda- Cregyn dens; † Cricoconarida; Aplacophora - Cregynegyon haval ort buluk; Monoplacophora - Cregynegyon gen cregyn shap kappa; †Rostroconchia (hendasow possybyl dhe gregyn dewworher); †Helcionelloida;

Cregynegyon (e'n FSS (C) Kregynnegyon) po Mollusca ew fylum a bris a enevales divellkeynek. An brassa radn anodhans ew bestes morek, a styr aga bos trigys e'n mor bras, dell ew usys en dowr bas. Anjei ew an fylum morek moyha niverus, gen 85,000 a ehednow bew, 23% a bub organedh morek thew henwys. Anjei a ell bos trigys en dowr fresk ha war an tir maga ta.

Cregynegyon ew pur varyansek. Ema dhe'n brassa radn anodhans cregyn, bes nebes bagasow ew hebdhans: kellyl-lesa, melwhednow ha'n gastropods ajwonys avel melwhes mor en aga mesk.

Anjei a esplegyas neb termyn e'n Osweyth Kembrek, bes ema dadhel emesk whithroryon ow tochya an dedhyasow ewn.

Usyow

Pednfenten boos a bris ew cregynegyon. Ma anjei ow provia gwara finder ewedh, pecara perlys ha liw glasrudh tyriek.

Caletterow

Perderys ew niver a ehednow cregydnek avel peryl po pla rag gwriansow denel. Brath nebes kellyl-lesa ew gwenonek. Schistosomiasis (ajwonys ewedh avel bilharzia) ew treuscorrys dhe dus gen ostys a vulhornes dowr, hag effeythys ew a-dro dhe 200 milvil a bobel. Bulhornes ha melwhednow a ell bos pla abmeth pur dhrog. Ema dhe nebes ecosystemow kisyes gen comendyans nebes ehednow a vulhornes .