Cowlek
| Cowlek Gula gula Efander menhesennow: Pleistocen – lemmyn 2.6–0 Ma | |
|---|---|
 | |
| Cowlek (G. gulo), an ehen voyha a deylu Mustelidae | |
| Klassans bewoniethek | |
| Gwlaskor: | |
| Fylum: | |
| Klass: | |
| Urdh: | |
| Teylu: | |
| Kinda: | Gulo |
| Ehen: | G. gulo |
| Iseghen | |
|
G. g. luscus - Cowlek Pow America | |
 | |
| Gwandrans cowlogyon | |
An cowlek ew an esel moyha an teylu Mustelidae (teylu an codnaow gwydn ha lovednes. Kigdebrer ber ha cref ew, gen semlant moy pecara ors vras es re erel an teylu. Best udnek ew, gen hanow rag garowder, a ell ladha predh myns lies gweyth moy agesso y honan.
Ema dyffrans apert tredh an dhiw is-ehen: onan an Bes Coth Gulo gulo gulo ha'n Bes Nowydh G. g. luscus.
Uhelder an gorow ew a-dro dhe 18 misva (46 cm), an venow 14 misva (36 cm). Aga hirder ew tredh 36 misva (91 cm) (benow) dhe 45 misva (110 cm) (gorow) ha'ga poos a-dro dhe 25–36 pens (11–16 kg). Hirder an lost ew 8 misva (20 cm). Ma aga blew melyn ort aga gwitha dhort an temperedh yeyn dres ehen ha'ga threys bras ort aga galosegy dhe gerdhes war bedn an ergh.
Gwandrans
[golegi | pennfenten]
Ema cowlogyon ow triga dell ew usys en radndiryow udnek Arctek hag Alpek a Ganada, Alaska, Siberia, ha Scandinavi. Genejek enjei ewedh dhe Russi Europek, powyow an Baltek, China noor-est ha Mongoli. Kevys enjei en nniveryow isel en Menedhyow Carnek an Statys Unys. Trigys ew an brassa niver a gowlogyon en Canada war neb cor.
Ma anjei ow tebry ogas dhe bub sort a voos kevys gen anjei: logos, rathes, edhen, oyow ydhyn, kerwes ergh ha predh bras erel. Ma anjei ow helghya predh bras e'n gwav, pan wrelho an ergh lenthe an predh ha rei prow dhe'n cowlek. Gwadn ew golok cowlogyon bes ma anjei a ell blasa predh endadn 20 trooshes a ergh.
Por diredhek ew cowlogyon. Ma anjei ow tinethy pub diw py teyr bledhen. Ma an venow ow tinethy tredh onen ha trei yonker en cowdoll pell endadn an ergh.
Difresyans
[golegi | pennfenten]Mabden ew pedn escar an cowlek. Pelour tew tobm ew usys dhe wul amal cougal cotys 'parka' po dilajas gwav erel, drefen nag ujy an blew tew cuntel glytt. Difresys ew colowgyon e'n Statys Unys a-dhia 2023.
Ma an erthygel ma usya an Furv Scrifys Savonek (gen furvow tradycyonal) a-barth Kernowek diwedhes.