Cecil Beer

Cecil Beer
Genys	1902
Mernans	1998
Soodh	Kannas Bardh Meur, Leader of Mebyon Kernow
Eseleth	Gorsedh Kernow

Cecil Beer (1902-1998) o Kannas an Bardh Meur rag Gorsedh Kernow (1967-1972), ow servya yn-dann Gunwyn, George Pawley White ha Trevanyon, Denis Trevanion. Map Kenwyn yw y hanow bardhek.

Genys veu Cecil Herbert Beer yn 1902 yn Putney, Loundres, dhe gerens a Gernow Harry Herbert hag Elisa Beer. Studhya a wrug ev yn Kolji Sen Jori yn Loundres. Ev a oberi avel gwas civil a-barth Sodhva Vresel, ha wosa henna rag Arghanti Sodhva an Post. Yn Nessa Bresel an Bys, ev a servyas y'n Artylleri Riel hag avonsya bys yn bos henwys Major. Wosa henna, marshal provost o ev yn Kreslu an Lu Eynda. Yn 1946, ev a dhehwelas dhe'n RU, ow kemeres soodh avel Sodhek Restra Boos rag Kembra Soth.

Berdhys veu Beer yn 1932 orth Dons Meyn Rosmodres, Eglosveryan, gans an hanow Map Kenwyn. Kampyer o ev a Gernewek. Ev a weresas ow restra an Orsedh yn Kernow hag yn Ostrali.

Esel a-varr o Beer a Vebyon Kernow, hag yn 1957 ev a veu henwys y nessa kaderyer rag bledhen, ow fogella war vaters gonisogethel.

Yma bewskrif a-dro dh'y vewnans gans Garry Tregidga.

Yma'n erthygel ma owth usya an Furv Skrifys Savonek a-barth Kernowek kres.

Porth Kernow – Tre rag folennow ha klassys Wikipedya a-dro dhe Gernow.