Baner Syllan

Gwrys veu Baner Syllan yn 2002 gans an paper nowodhow Scilly News, hag a gavas skoodhyans dhyworth tus Syllan yn votyans poblek. Aswonys veu avel baner sodhogel an enesek gans an Flag Institute.

Yma yn desin an baner elvennow a wra representya rannow a imach ha doronieth Syllan:

Krows wynn - dhyworth Baner Peran, rag diskwedhes honanieth kernowek an enesek
Rudhvelyn - an howlsedhesow rudhvelyn eus dhe'n enesek
Glas - an mor usi a-dro dhe'n enesek
Pymp steren - tyller ha braster an enesow poblys

Porth Kernow – Tre rag folennow ha klassys Wikipedya a-dro dhe Gernow.