Dyffransow ynter amendyansow a "An Wodhva"
klass |
B Lader Gwiader a wayas an folen An Woodhva dhe An Wodhva: "An Wodhva" y'n FSS |
(Dihevelepter vyth)
| |
Versyon a-dhia 14:22, 29 Est 2020
Menydh an ughella Kembra yw an Woodhva (1085m/3560t). Y sev yn gogledh Park Kenedhlek Eryri, yn Kembra North. Menydh moyha bysi an Ruvaneth Unys yw. Yn 2018 y kerdhas 500,000 a dus dhe’n penn, gans 140,000 ow mos war hyns-horn an Woodhva. Gwithva natur kenedhlek yw awos hy bestes ha plansow.
Formyans
Gwrys gans loskvenedhyow y’n Oos Ordowek o karrygi an Woodhva. Wosa henna, furvyes gans rewlyvans o y’n Oos Rew, hag a wrug kribow serth Crib Goch (Krib Rudh) ha Lliwedd. Usyes o an Woodhva gans krambloryon kepar hag Edmund Hillary kyns krambla Everest yn 1953.
Hensyow dhe'n topp
Yma hwegh hyns kerdhes dhe’n topp, ha Hyns-horn an Woodhva maga ta, h.y. hyns-horn rak ha pynyon hag onan a'n bennfentynnyow chif a dornyaseth yn Gwynedh. Yma koffiji y’n orsav war benn an menydh a’n hanow Hafod Eryri.
Styr an hanow
Styr an hanow Kembrek, yr Wyddfa, yw tron po ynkleudhva (ynkleudhva an kowr Rhita Gawr wosa y fethans gans Arthur Gernow herwydh an henhwedhel). Styr y hanow Sowsnek, Snowdon, yw Bre Ergh.
Pur lawek yw an Woodhva; y lawgodh bledhennek kresek yw moy es 5,000mm pub bledhen. Bleujen tanow Lili’r Wyddfa (Gagea serotina) a dyv war ledrow an menydh ha menedhyow yn ogas dhodho. Y trig marghvrini ha paloresow war an menydh ynwedh.
