Repoblek Wordhen

Poblacht na hÉireann

Baner Wordhen Kota arvow Wordhen Kota arvow Wordhen (Baner Wordhen) (Kota Arvow Wordhen)
Lavar kenedhlek: nagonan
Yethow soedhogel	Wordhonek ha Sowsnek
Pennsita	Dulyn
Brassa sita	Dulyn
Lywydh	Máire Mhic Ghiolla Íosa (Mary McAleese)
Pennmenyster	Brian Ó Comhain (Brian Cowen)
Enep	70,273 km²
Poblans (2005) - Doesedh	4,015,676 a drigoryon 57 triger/km²
Anserghogeth	dhiworth Rywvaneth Unys 21ves a vis Genver, 1919
Mona kemmyn	Euro (EUR)
Amser - Hav (DST)	UTC +0 UTC +1
Kan genedhlek	Amhrán na bhFiann
Kodenn kesroesweyth	.ie
Kodenn pellgowser	+353

Repoblek Wordhen (yn wordhonek, Éire po Poblacht na hÉireann) yw stat yn deghow enys Wordhen yn kledhbarth Europa. Stat esel a'n Unyans Europek ha'n Kenedhlow Unys yw hi. An wlas kentrevek unnik yw Kledhbarth Wordhen, pow a'n Rywvaneth Unys.

Yn 2004, poblans an pow yw 4 040 000. An bennsita ha sita voyha yw Dulyn (po Baile Átha Cliath yn wordhonek). Brian Ó Comhain po Brian Cowen yw an taoiseach (pennmenyster). An mona kemmyn yw an euro. Wordhonek yw an yeth kenedhlek ha kynsa yeth soedhogel an stat, mes sowsnek yw yeth usadow an niver vrassa a Wydheli. Enep an pow yw 70 273 km².

Wosa rebellyansow yn 1916 ha 1918-1921, y tiberthas Wordhen yn dew stat: Kledhbarth Wordhen (6 konteth y'n north-est) ha Stat Rydh Wordhon (po Saorstát na hÉireann, an 26 konteth arall). Y teuth an Stat Rydh ha bos ansoedhogel yn 1921. An korf-lagha dewisys yn 1937 a janjyas hanow kemmyn an stat dhe "Éire" (Wordhen), hag yn 1949 y tiskleryas Éire hy bos repoblek.

Yn blydhynyow 1990, erbys Wordhen a devi yn uskis, ha'n Repoblek a waynyas hy les-hanow avel an "Tiger Keltek".