Yehovah

Dhyworth Wikipedya, an godhoniador rydh

Yehovah yw hanow Dyw y'n kryjyans Yedhowek hag yn Kristoneth. Y hwrer devnydh a'n hanow ma 7000 weyth y'n Bibel. Y'n yeth Ebrow, Yehovah yw skrifys יהוה po YHVH, heb bogalennow. Yn termyn Yesu, difennys o prononsya an hanow sans; pegh o hemma. Ytho, hedhyw na yllir godhvos an leveryans koth. An furv Yehovah a dhos diworth Latin Iehovah, ha hemma diworth an ger Ebrow YHVH gans bogalennow an ger Elohah (Dyw). Skolerow arnowydh re brofyas furv nowydh an hanow: Yahveh po Yahweh, mes nyns o hengovek yn Kernewek an furv ma.