Tamil Eelam

Ranndiryow yn Shri Lanka aswonnys avel kwarel gans LTTE avel rannow a Damil Eelam, gans aga studh yn mis-Kevardhu 2005: rannow rudh - yn-dann rewl LTTE; rannow rudhvelin nebes LTTE, nebes Governans Shri Lanka; rannow melin - rann an kwarel, heb bos rewlys gans LTTE.

Tamil Eelam (Tamilek: தமிழ் ஈழம், tamiḻ īḻam) yw an hanow res gans tus damilek dhe'n stat anserghek, hag yw aga medras, y'n rannow North hag Est a'n ynys Shri Lanka. Hag Ilaṅkai (இலங்கை) hag Īḻam (ஈழம்) yw henwyn tamilek rag an ynys dhien.

Nyns yw Tamil Eelam aswonnys avel stat anserghek saw gans LTTE (berrheans a'n Sowsnek "Liberation Tigers of Tamil Eelam", gans styr yn Kernewek "Tigri a-barth Rydhses Tamil Eelam"). Rewlys gans LTTE yw a-dro dhe 40% po 50% a'n tir aswonnys avel kwarel gans Tamil Eelam. Synsys y'ga mysk yw an ranndiryow dien henwys Kilinochchi ha Mullaiththeevu, an brassa rann a'n ranndiryow Mannar, Batticaloa ha Vavuniya, ha rannow a'n ranndiryow Trincomalee hag Amparai.