Nolwenn Leroy
Nolwenn Leroy (genys 28 mis Gwynngala 1982 en Lokournan, Breten Vian) ew canores ha scrifores a Vreten Vian, neb a veu discudhys der an dowlen pellwolok Frenkek Star Academy. Geryes da ew hi rag hy dew gan niver-onen "Casse!" ha "Nolwenn Owho!"
Rol an folen |
Bownans [chanjya]
Pan veu hi pajar bloodh, hy herens a garas Lokournan gensy hi. Woja bos trigys en Paris, Lille ha Gwengamp, hi, hy mabm hag hy whor yonkka a wrug triga gen hy herens wydn en Saint-Yorre. Hy mabm a wrug didhemedhy tas Leroy, gwarier pel-droos galwesek Jean-Luc Le Magueresse, en 1992.
Hi a studhyas orth an "Collège des Célestins" en Vichy. Pan veu Leroy 11 bloodh, hy descajor a wrug gweles hy ro rag ilow, hag hy henertha dhe dhesky fatla dhe wary an fyll. Pan veu hi 13 bloodh, hi a wrug gwaynya "Les écoles du désert", kesstrif ew scoodhys gen an bagas gorvarhas Cora, hag a wrug vajya dhe Vali gen canaseth dengerenjedhek a Gao dhe Dimbuktu. Ma leverys gensy dre wrug hebma hy awedhya en town.
En mis Gortheren 1998, hi a veu ros scolorieth gen Rotary Club Vichy rag studhya en Cincinnati, Ohio avel studhyores keschanj. Ha hi ena, hi a wre attendya scol an artys obery Hamilton High School. Woja dewheles dhe Frynk, hag ow cowsel Sowsnek freth, hi a dhallathas mos dhe glassys rag cana classek orth losowjy ilow Vichy. A-dhia 2001 hi a studhyas laha orth Universita Clermont Ferrand, rag resekva aral cudh dhe ilow.
Star Academy [chanjya]
Woja gweles kensa dyllans Star Academy en 2001, Leroy a veu kemeres en fras gen onen a varnoryon an gwary, Armande Altaï, hag a erviras dhe studhya en clas cana Altaï. En 2002, woja ombrofya ha bos dowisyes rag nessa seson an gwary, an bobel a wrug vota ragdhy dhe waynya an kesstrif en le gorfednor aral, Houcine.
Resekva ilow [chanjya]
Nolwenn Leroy (2003) [chanjya]
Kensa cuntel Leroy, Nolwenn, a veu dyllys en mis Meurth 2003 hag y feu moy es 400,000 copy gwerthys warbydn mis Du a'n vledhen-na. En 2006, Universal Music a wolednas dr'o moy es 900,000 copy gwerthys, mes nag eus destans sodhogel a hebma gwres gen an Syndicat national de l'édition phonographique. Pajar can dhort an cuntel - "Cassé", "Une Femme cachée", "Suivre une étoile" hag "Inévitablement", a veu dyllys avel canow udnik. A-dhia mis Kevardhu 2003, canow dhort an cuntel a veu performys war dro Leroy a Frynk, Pow Belg ha Swistir.
Histoires Naturelles (2005) [chanjya]
Nessa cuntel Leroy, Histoires Naturelles, a veu ascoras gen Laurent Voulzy. Pemp canow udnik a veu dyllys dhort an cuntel. "Nolwenn Ohwo!", scrifys gen Alain Souchon ha Voulzy, eth dhe bedn chartys ilow Frynk. An nessa can udnik o hens an titel, "Histoire Naturelle". Videos ilow a veu gwres rag an dhew gan; an video rag "Histoire Naturelle" a wrug meneges thema chyf an cuntel gen Leroy ow bos portrayes avel taclow disqwedhes en hendrajy istory naturek. A-barth an dyllanjow erel, "Mon Ange" a veu radnys en tijital, ha "J'aimais tant l'aimer" ha "Reste Encore" a veu rag promovyans hepken. Canow dhort Histoires Naturelles ha Nolwenn a veu performys war nessa tro Leroy henwys "Histoires Naturelles Tour", a wrug dalleth en mis Gwynngala 2006. Kensa cuntel bew Leroy a veu dyllys en mis Hedra 2007.
Le Cheshire Cat & Moi (2009) [chanjya]
Le Cheshire Cat & Moi o towl a wrug dalleth en 2007, scrifys gen Leroy and Teitur Lassen, gen kevradnow dhort Jonatha Brooke, Michelle Featherstone, Mike Errico ha Rupert Hine. Ev a veu arayes hag ascorys gen Lassen, ha recordys en Sweden ha'n Enesow Faroe. Th'esa tavans moy acoustek dhodho dr'esa dhe Histoires Naturelles, hag ev a ros dhe Leroy an chons dhe gomposa ilow rag an kensa termyn. An cuntel a veu dyllys en mis Kevardhu 2009. Tro henwys "Le Cheshire Cat & Vous" rag promovya an hens a veu senjys en 2010.
Bretonne (2010) [chanjya]
Leroy a wrug dylla peswara cuntel studio, henwys Bretonne, war 6 mis Kevardhu 2010. Th'esa an towl ow comprehendya versyons cudha a ganow hengovek Keltek, pecar'a "Tri Martolod", "Bro Gozh va Zadoù" ha "Mná na h-Éireann", keffres ha canow arnowyth pecar'a "Brest" gen Christophe Miossec. Brassa radn an hensow a veu kevrednys dhe enysva an ganores, Breten Vian. An cuntel eth dhe bedn chartys cuntellow Frynk 5 seythen woja y dhyllans.
Rol a blasednow [chanjya]
Cuntellow [chanjya]
| Bledhen | Titel | Stubm e'n chartys[1][2] | ||
|---|---|---|---|---|
| FR | BEL | SWI | ||
| 2003 | Nolwenn | 1 | 1 | 2 |
| 2005 | Histoires Naturelles | 3 | 7 | 44 |
| 2009 | Le Cheshire Cat et Moi | 26 | 32 | - |
| 2010 | Bretonne | 1 | 2 | 20 |
Canow [chanjya]
| Bledhen | Titel | Stubm e'n chartys[3] | Cuntel | ||
|---|---|---|---|---|---|
| FR | BEL | SWI | |||
| 2003 | "Cassé" | 1 | 1 | 4 | Nolwenn |
| "Une Femme Cachée" | 40 | 23 | 78 | ||
| "Suivre Une Etoile" | 12 | 24 | 44 | ||
| 2004 | "Inévitablement" | 31 | 26 | - | |
| 2006 | "Nolwenn Ohwo!" | 1 | 3 | 29 | Histoires Naturelles |
| "Histoire Naturelle" | 30 | 39 | - | ||
| "Mon Ange" | 14* | 6* | - | ||
| 2007 | "J'aimais Tant L'Aimer" | - | - | - | |
| "Reste Encore" | - | - | - | ||
| 2009 | "Faut-il, Faut-il Pas ?" | - | 6* | - | Le Cheshire Cat et Moi |
| 2010 | "Suite Sudarmoricaine" | - | 26* | - | Bretonne |
| "La Jument de Michao" | 34* | 13 | - | ||
| "Tri Martolod" | 48* | 29 | - | ||
* Chartys iscarga Frynk[4] hag Ultratip Pow Belg [5]
