Metropolis (Romans)

Dhyworth Wikipedya, an godhoniador rydh
Der Maschinenmensch (An Den-jynn) "Maria" a-dhyworth aswiwans fylm an romans.

Romans gans awtoures Almaynek Thea von Harbou yw Metropolis (Gorcita) a veu dyllys yn kensa yn 1925. Desedhys yw an drolla yn 2026 yn cita avonsys hy theknegieth py usi gwithys gans bosva kowethas yn-dann dhor a lavurysi. Mab onan a fondysi an cita a godh yn kerensa gans mowes a-dhyworth an kowethas yn-dann dhor hag an dhew gowethas ow talleth klashya awos fyllans elven gesunya yntredha. An romans o grond fylm Metropolis a wres gans Fritz Lang yn 1927.

Dyllans[golegi | pennfenten]

Dyllys a veu an romans yn kesresek y'n lyver termyn Almaynek Illustriertes Blatt yn 1925, ow komprhendya nebes skeusennow kosel a-dhyworth an aswiwans fylm py esa ow tones.[1] Y feu dyllys avel lyver yn 1926 gans August Scherl.[2] Treylyans Sowsnek a dhyllas yn 1927.[3]

Aswiwans fylm[golegi | pennfenten]

Y feu an lyver skrifys gans an mynnas a'n aswiwa rag fylm gans gour Harbou, kevarwodher Fritz Lang. Harbou a gesoberas gans Lang war dekst an fylm, henwys Metropolis ynwedh, hag y tallathas y fylmya kyns dyllans an romans. An fylm a omyttyas nebes rannow a'n lyver, yn arbennek kampollansow a'n ockult, ha movyans a nebes penn-nasow.[1]

Gwelewgh ynwedh[golegi | pennfenten]

Pennfentynnyow[golegi | pennfenten]

  1. 1.0 1.1 Minden, Michael; Bachmann, Holger (2002). Fritz Lang's Metropolis: Cinematic Visions of Technology and Fear. Columbia, South Carolina: Camden House Publishing. p. 59. ISBN 1-57113-146-9.
  2. "Metropolis : Roman". WorldCat. Retrieved 2015-06-16.
  3. "Metropolis". WorldCat. Retrieved 2015-06-16.