|
|
|
Corsica ew enys ha kenedhel e'n Mor Cres. Ma'n enys west a Italy, soth-est a Frynk ha dhe'n noor a enys Sardinya. Corsica ew onen a 27 régions Frynk, bettegens yth ew henwys "collectivité territoriale" herwydh an laha, ha ma meur a nerthyow dhodho es regions erel.
Istory Corsica ew merkys en froas dre woreskyn. An Carthagoyon, an Grekyon coth ha'n Etruscanyon o an kensa goreskynydhyon, kens an enys dhe dhos ha bos radnvro a'n Repoblek Romanek gen Sardinya war-barth. Repoblek Genoa a gemeras an enys en 1347, orth y rowlya rag nes dhe 500 bledhen. Woja bresel a 26 bledhen an Repoblek Corsica anserhek a veu formys en 1755, bettegens nag alja an Corsyon towlel an Genowyon mes a'n citys veur arvorek, ha Frynk a bernas an enys dhort Genoa en 1764.
Hedhyw ma tus Corsica ow keskergh rag aga gonisogeth ha tavas dhe vos diberthys, hag ow covyn rag omrowl politek po anserhogeth cowal dhort Frynk.
|
|
|
|
|
Syllan ew enesek 28 mildir (45 kilometer) soth-west a Gernow. Ma pemp enys poblys hag a-dro dhe 140 enys vian heb poblans. An enesow gen poblans ew Enor, war neb ma'n brassa cita Hoe, Enys Scaw, Breghyek, Aganas ha Breyer. Ma dhe'n enesek poblans a neb 2,100, gen hanter an dus ow bos trigys e'n cita chyf Hoe.
Y feu dhia 1890 awtorita udnik dhe Syllan, mes yth ew prederys avel radn a Gernow rag neb taclow. Tus re beu trigys war an enesek dhia an Oos Men, hag an enesow a alja bos an Cassiterides (enesow sten) a veu visityes gen an Fenicyens ha henwys gen an Grekyon. Prederys ew dr'o an enesek e'n termyn eus passyes udn enys henwys Enor, hag an mor a wrug drehevel ha livya an gonyow cresek. Hemm a alja bos udn fenten an whedhel Lethesow. An enesek ew kevrednys dhe Gernow dre mor hag ayr.
|
|
|
|
|
|
|
Wikipedya ew godhoniador warlinen heb cost a ell nebonen chanjya po kevry dhodho. Erthyglow ew scrifys gen nebonen a vedn aga chanjya.
Na res dhewgh bos arbeniger rag dalleth scrifa. Whi a ell scrifa an peth a wodhewgh seulabres, po treylya erthygel dhort Wikipedia aral. Whi a ell ewnhe erthyglow eus dhyn seulabres, po formya onen noweth.
Ha na berthowgh own a wul cabmwrianjow, pub janj a ell bos diswres. Mar menje'whi redya moy a-dro dhe janjya, kewgh dhe'gan folednow gweres.
Ma derivadow pella a-dro dhe'n Wikipedya Kernowek en porth an gemeneth. Mars eus govynadow dhewgh, whi a ell aga govyn e'n tavern.
|
|
|
