Kledhrennow kul

Dhyworth Wikipedya, an godhoniador rydh
Lamma dhe: kevrennow lewya, hwilas

Hyns-horn kledhrennow kul yw hyns-horn gans kledhrennow nes es an 4 tros-hys 8 1⁄2 meusva (1,435 mm) a hensi-horn kledhrennow savonek. An les yntra'n gledhrennow war voya hensi-horn yw ynter 1 tros-hys 11 5/8 meusva (600 mm) ha 3 tros-hys 6 meusva (1,067 mm).

Gorwolok[chanjya | chanjya an bennfenten]

Kehevelyans a gledhrennow savonek (glas) ha kledhrennow kul (rudh).

Awos hensi-horn kledhrennow kul yw byldyas gans gwarrow radius byghanna, kledhrennow skavva, h.e., del yw usys isella yw an pris drehevya, darbari hag oberi es hensi-horn kledhrennow savonek po efan.

Hensi-horn kledhrennow kul yw devnydhyas lower gweyth dhe oberi yn diwysyansyow, rag ensampel: balyow, mengleudhyow, gweythvaow, h.e., ple'ma res dhe vraster tren pur vyghan.

Yma devnydhyow ollgemmyn dhe hensi-horn kledhrennow kul keffrys. Hensi-horn menydh kledhrennow kul didhiwysyansek yw po o lemmyn y'n Menydhyow Karnek y'n Statys Unys, yn Meksiko, Kanada, Pow Swis, Pow Grek hag Eynda.

An savon yw kledhrennow kul yn neb a wlasow, avel kledhrennow Kap (3 tros-hys 6 meusva) yn Japan, Mordir Nowyth, Afrika Dhyghow ha Tasmani, ha kledhrennow meter yn Malaysi ha Pow Tay.

Lower a gerri stet a dhevnydh kledhrennow kul, yn Europa dres oll ple'ma kledhrennow meter devnydhyes yn kemmyn.

Hensi-horn kledhrennow kul yn Kernow[chanjya | chanjya an bennfenten]

Yth esa lower a hensi-horn kledhrennow kul yn Kernow bys ha dres an domhwelans diwysyansek, ow komprehendya: an hyns-horn Rysrudh ha Chasewater a eth dhyworth Rysrudh dhe Dheveryon war gledhrennow 4 tros-hys (1,219 mm), ha'n hyns-horn Bentewyn a eth dhyworth Sen Ostell dhe Ventewyn war gledhrennow 2 dros-hys 6 meusva (762 mm); an dhew hyns-horn-ma yw hensi-dewrosa y'n jydh hedhyw.

Oll an hensi-horn kledhrenn kul yn Kernow y'n jydh hedhyw yw hensi-horn havyasek. An Hyns-horn Ethenn Lannstefan a vos dhyworth Lannstefan dhe Velinyow Nowydh war hyns koth an hyns-horn Kernow North. Ev a dhevnydh kledhrennow 1 tros-hys 11 1/2 meusva (597 mm). An Hyns-Horn Ethenn Glynn Lappa a vos dhyworth Benny Halt dhe'n bal, East Wheal Rose, war gledhrennow 15 meusva (kledhrennow ispoyntel).

Jynn ethenn, Zeberdee, dhe Benny Halt war an Hyns-Horn Ethenn Glynn Lappa.