Keskows Devnydhyer:Branvras

Nebes geryow a-dro dhe’n ger ‘Myghtern’….

My a woer y leverir ha skrifa hedhyw ‘Myghtern a Bow Sows’ hag, yn arbennik, ‘Dug a Gernow’ gans ‘a’. Mes y’n tekstow y kevir ‘Myghtern Ysrael’ ha ‘Dug Kernow’ heb ‘a’. Ny allav kavoes ensampel a ‘Myghtern a…’ gans pow, kynth eus lies ensampel a ‘myghtern a lowena/nev/joy h.e.’ gans ‘a’ (hag unn ensampel a ‘myghtern nev’ heb ‘a’!). Ha nyns eus ensampel a ‘Dug a….’ mann. Ytho, martesen ‘Myghtern Pow Sows’ yw gwell, ow sywya ‘Myghtern Ysrael’ ha ‘Dug Kernow’ y’n tekstow. Rakhenna, da yw genev ‘Henry 8 Myghtern Pow Sows’ awos bos henna kepar ha mar pe ‘Myghtern Pow Sows’ yntra dew gomma – ‘My a welas Henry 8, Myghtern Pow Sows, y’n diwotti’ Ny garav ‘Henry 8 Pow Sows’, kyn na wonn an praga. Mes gokkineth yw henna gans an dhew gomma, dell welowgh – ‘My a welas Henry 8, Pow Sows, y’n diwotti’ Y’n kas ma, gwell yw ‘Henry 8 a Bow Sows’ dell grysav. Ytho ow breus yw – ‘Henry 8 Myghtern Pow Sows’ ha ‘Henry 8 a Bow Sows’ MES da via hwilas y’n Testamentow Nowydh (Williams ha Syed) rag gweles an pyth a wrussons i. My a wra henna y’n gorthugher ma pan esov tre.

Fatell leveryn ‘Henry 8’? Yw henna ‘Henry an ethves’ po ‘Henry eth’? Mars yw an kynsa y fia gwell skrifa ‘Henry an 8ves’ – mes nyns eus edhomm a sywya an Sowsnek (dell yw henna). Martesen gwell via sywya an Frynkek kepar ha ‘Louis Quinze’ awos bos henna esya. Euver yw mires orth an tekstow - nyns esa myghternedh gans niverow y'n oesow kres - ha rakhenna ni a yll gul pypynag a vynnyn dell dybav!

Profyansow Kembrek

Gromersi rag dha brederow! Well, well, pyth a wren ni? Y'n Wikipedia kembrek, yma tus ow skrifa rag ensompel Harri VIII o Loegr, henn yw Henry VIII a Bow Sows; hag yma an leverans owth omdhiskwedhes bos Harri'r Wythfed, henn yw "Henry an Ethves". (Mes yn spaynek y leverir Enrique Octavo, po "Henry Ethves".)

Akordyav orthes: gwell yw "Henry VIII a Bow Sows" ages "Henry VIII Pow Sows". Ha da yw genev "Henry VIII, Myghtern Pow Sows" ynwedh. A goedh dhyn holya ensompel an kembrek, ytho?

Ervirans (martesen!)

Unnver yw an Testamentow Williams ha Syed genev (!!) ha gans an tekstow. Skrifys yw pupprys
'hanow myghtern pow' - r.e. 'Herod Myghtern Yudi' po saw
'myghtern pow' - r.e. 'Myghtern Ysrael'
kyn nag eus ensampel a ylliv y gavoes a
'hanow pow'
Ytho, dhe'm brys vy y hyllyn sywya an tekstow, an Testamentow ha'n Kembrek dell syw:
Myghtern Pow Sows
Henry 8 Myghtern Pow Sows
Henry a Bow Sows
Henry 8 a Bow Sows
'eth' po 'ethves'? Nyns ov sur hwath. Mes nyns yw kudynn bras - awos ni dhe skrifa 'Henry 8' redoryon a yll dewis aga honan an pyth a leversons pan y'n gwelons!

Berrheansow

'h.e.' yw 'hag erell' - ytho, 'etc.'
'r.e.' yw 'rag ensampel' - ytho, 'e.g.'
'h.y.' yw 'henn/honn yw' - ytho, 'i.e.'
Mars eus moy a aswonnowgh, gwregh aga heworra omma mar pleg. (Tybyans...martesen drog yw ow devnydh a 'h.e.' - y'n skol y feu leverys dhyn 'na wrewgh skrifa nevra 'h.e.' yn skrif - diekter yw'!)

Meur ras dhis! Y fydh an derivadow ma dhe les. :-)

A yll'ta weles ow folenn vy, User:QuartierLatin1968, ha ri dhymm dha dybyansow? Menyster a'n wikipedi ov vy y'n termyn ma, ha gwell y fia genev mar tyffi jy ha bos menyster ynwedh rag ledanhe an omgemmeryans rag dewisow poesek... (Ha ty a gows an yeth yn kwell agesov!)

Yeghes da, QuartierLatin1968 06:02, 19 Sep 2004 (UTC)

Mes nyns ov sur bos termyn lowr dhymm rag henna - dell welydh, ty a skrif niver bras ha bryntin a erthyglow...ha my a wra nebes ewnheansow pan eus mynysenn dhymm! My a wra mires orth an folenn hag ynni derivadow yn kever menysteryon rag gweles an pyth yw res...ha prederi a-dro dhe'n kas!