Kernowek Standard
Kernowek Standard (KS) yw screfa-composter a-barth Kernowek dasserhys cres ha dywedhes. Kernowek Standard re dhysplegyas a-dhia 2006–8 der gescusulyans an bagas UdnFormScrefys ha ragbrenoryon lysten e-bost KS. Y auctours chyf o Michael Everson, Neil Kennedy ha Nicholas Williams.[1] Entent Kernowek Standard yw doblek:
- ûsya formys neb a veu screfys in Kernowek tradycyonal; ha
- dysqwedhes yn tyblans leveryans ewn geryow.
Selven KS yw an screfa-composter ûsyes in Creacon of the World gen William Jordan (1611). Indelma, KS a vydna bos 'pons' yntra Kernowek cres ha Kernowek dywedhes. Nebes haval dhe screfa-composter Henry Jenner yw va inwedh.
In 2007-8, na veu Kernowek Standard dewysys avell an Form Screfys Standard (FSS) rag Kernowek in ûsadow sodhogel, mès onen a dhew bednventen a'n FSS o va warbarth gen Kernowek Kebmyn.[2]
Ma nebes dyffransow yntra KS ha'n FSS.
- Ma KS ow qwil devnyth a hat stubm (`) rag dysqwedhes bogalen berr dyrewl, ha to bian (^) rag bogalen hir dyrewl. Ma KS ow tevnydhya â le mayma oa i'n FSS.
- Nag ujy KS ow ûsya hw, kw na iw vith drefen aga defowt in Kernowek tradycyonal; wh, qw ha yw yns y in KS. Yn parth aral, ma va ow ûsya au hag ai in geryow certen (auctour, traitour).
- Ma rewlys dyffrans dhe KS ha'n FSS in devnyth an letherednow i ha y.
- Ma nebes syllabednow gwadn screfys yn tyffrans, r.e. onen in KS, onan in FSS. Ma KS ow ûsya th ha f inwedh in syllabednow gwadn (eleth, esof).
Tekst ensampel in Kernowek Standard[golegi | pennfenten]
Dheworth Pride and Prejudice:
Yth esa bugeleth i’n keth pow-na hag y i’n gwel ow qwetha aga flockys dres an nos. El an Arlùth a dhysqwedhas dhedhans ha glory an Arlùth a wrug dywy oll adro, hag own brâs a’s teva. Ha’n el a leverys dhedhans, “Na berthowgh own; rag merowgh, yth esof ow try dhywgh messach a lowena vrâs rag oll an bobel; rag hedhyw re beu genys dhywgh in cyta Davyth Sylwyas, hèn yw an Arlùth Crist. Ha helma a vëdh sin ragowgh: why a gav an flogh bian maylys fast gans lysten hag ev a’y wroweth in presep.” Ha dystowgh y feu gwelys warbarth gans an el nyver brâs a lu nev ow praisya Duw hag ow leverel, “Glory dhe Dhuw avadn ha wàr an norvës cres dhe’n re-na usy orth y blesya!”
Pednventydnyow[golegi | pennfenten]
Kevrednow yn-mes[golegi | pennfenten]
- Creacon of the World orth Wikisource.
An erthygel-ma yw screfys yn Kernowek Standard.
|
Porth Kernow – Tre rag folennow ha klassys Wikipedya a-dro dhe Gernow. |