iPad

Dhyworth Wikipedya, an godhoniador rydh
Lamma dhe: kevrennow lewya, hwilas
Steve Jobs gen iPad

iPad ew amontyer legh a veu desinyes, displegyes ha marhasys gen Apple Inc. avel toul rag gweles media clowwelyek, ow comprehendya levrow, jornalys, fylmow, ilow, gwariow, ha dalhen an gwias. Ma y mens ha poster ow codha ynter fonys codnyk hag amontyoryon laptop. An iPad a wra usya an keth system oberyans avel an iPod Touch ha'n iPhone—hag ev a ell lonchya y dowlednow y honan keffrys ha towlednow iPhone. Heb chanjyans, na wra an iPad bes lonchya towlednow comendys gen Apple ha gorrys en-mes der App Store Apple (marnas towlednow a ell obery a-ji dhe beurel wias iPad).

Pecar ha'n iPhone ha'n iPod Touch, rowlys ew an iPad dre dhispleytans liestoch—dyffrans dhort an broassa radn a amonytoryon legh kens, a wrug usya stylus sordyes dre boos—keffres ha besowek warscrin furvwir en le besowek corforek. An iPad a wra usya junyans rosweyth anter leel dhiwiver ("Wi-Fi") rag hedhes rosweythow anter leel (LAN) ha'n Kesrosweyth. Ma dhe neb modelys ynterfas rosweyth dhiwiver 3G ynwedh, a ell junya gen rosweythow data HSPA po EV-DO ha pella dhe'n Kesrosweyth. Dyghtyes ha kettermynegys ew an devis der iTunes en udn lonchya war amontyer personel dre gapel USB.

Apple a wrug dyllo an kensa iPad en mis Ebrel 2010, ha gwertha 3 milvil a'n devisow en 80 dedh.[1] Dres 2010, Apple a wrug gwertha 14.8 milvil iPad dres oll an bys[2][3][4] - 75 cansran a werthanjow a amontyoryon legh orth diwedh 2010.[5]

Devydnow[chanjya | chanjya an bennfenten]

  1. Apple Sells Three Million iPads in 80 Days - 22 mis Efen 2010
  2. Apple Reports Third Quarter Results - 20 mis Gortheren 2010
  3. Apple Reports Fourth Quarter Results - 18 mis Hedra 2010
  4. Apple Reports First Quarter Results 2011 - 18 mis Genver 2011
  5. iPad 2 tablet launched by Apple's Steve Jobs (BBC) - 2 mis Meurth 2011

Kevrednow a-ves[chanjya | chanjya an bennfenten]