Hern

Dhyworth Wikipedya, an godhoniador rydh
Lamma dhe: kevrennow lewya, hwilas
Sardinella tawilis.

Hern (po hernenn avel ger unnplek) yw teylu a bysk byghan oylek, Clupeidae. Synsys y'n teylu ma yw hern gwynn, hern byghan, damyow an hern po keynoges, ha eghennow erell. Yma naw genus a hern gwynn krenn (Dussumieriinae), eth a hern byghan (Clupeinae), eth a dhamyow an hern ha menhadennow (Alosinae), seytek a Pellonulinae, hwegh a hern an grommbil (Dorosomatinae), ha peswardhek genus arall. Yma hern yn-mysk an moyha poesek puskes rag boes y'n bys ma. Unn eghenn a hern gwynn an Iwerydh, Clupea harengus, yw an eghenn a buskes a'n moyha lanwes y'n bys, herwydh Lyver Rekordys Guinness.

A-dro dhe 1700, John Boson a skrifas kan Gernewek yn kever salyans hern, "Reem an Parra Hearn". Yma'n gan ow korfenna,

Ma peath hearn pecare oll an beaz, Yma pyth hern pokar oll an bys
Mouy pobell bohodgack vel pobell broaz. Moy pobel bohosek avel pobel bras.
Gwydhyow is-dowr a hes hern ow vyajya dh'aga thylleryow omdhoen y'n Mor Baltek.

Kevrennow yn-Mes[chanjya | chanjya an bennfenten]