Hensi-horn Kledhrennow Kul an Harz
Kompani hyns-horn a ober rosweyth geyj-meter (1,000 mm / 3 tros-hys 3
3⁄8 meusva) yw Hensi-horn Kledhrennow Kul an Harz (Almaynek: Harzer Schmalspurbahnen po HSB) yn menedhyow an Harz yn kres Almayn (an Republik Demokratek Almayn kyns). Y hwres an kompani wosa Nessa Bell an Bys avel kesunyans a dhew gompani a-varra. Yma dhodho nebes 140 kilometer (87 mildir) a gledhrennow a jun an penndrevow a Wernigerode, Nordhausen ha Quedlinburg ha seul trevesigeth le y'n arenebedh. Yma ledrasow serth war veur a'n rosweyth teg. Penn-hyns mogha kerys-da an linen yw Brocken, menydh ughella an arenebedh. Meur a drenow an hyns-horn yw tennys gans lokomotyvow ethen 2-10-2 a-dhyworth an 1950ow.
An rosweyth[golegi | pennfenten]
Yma'n rosweyth hensi-horn gwrys a deyr linen an Harzquerbahn (Hyns-horn dre'n Harz), an Brockenbahn (Hyns-horn an Brocken), ha'n Selketalbahn (Hyns-horn Nans Selke). An hensi-horn a bon der an statys keffrysek a Niedersachsen ha Sachsen-Anhalt ha'n awtoritas leel a berghen an kompani.
Stock-rolya[golegi | pennfenten]
An rosweyth yw nosedhek drefen ev dhe dhevnydhya lies jynn-ethen. Hemm yw awos fowt a gevarghow dres berghenogeth an Deutsche Reichsbahn yntra 1945 ha 1993. Y tevnydh an hensi-horn kemmysk a jynnow dhyworth an 1950ow ha jynnow gwreydhek. Yma keffrys lies jynn ha kerri-tren disel dhe'n kompani usi devnydhyes dhe skoodhya'n poblans leel pan nyns yw gwiw devnydh a jynnow-ethen.
Kevrennow[golegi | pennfenten]
- Harzer Schmalspurbahnen (yn Almaynek)