Dasserhyans Kernowek

Dhyworth Wikipedia, an godhoniador rydh

Dasserhyans an taves Kernowek a dhallathas yn 1904 gans dyllans Handbook of the Cornish Language, gans Henry Jenner.

Contents 1 Istori 2 Studh arnowydh 3 Bagasow 4 Gwelewgh ynwedh

[chanjya] Istori

Wosa Jenner, Robert Morton Nance a wre hembrenkya an movyans a-barth Kernowek.

[chanjya] Studh arnowydh

Yma teyr rannyeth "ha hanter" y'n yeth kernowek dasserhyes:

• Kernewek Unys (~1929)
  • Kernowek Unys Amendys (~1997)
• Kernewek Kemmyn (~1986)
• Kernuack Nowedga (~1986)

Nebes flehes re dhyskis Kernowek dasserhyes avel vammyeth dhyworth aga herens a Gernowegoryon. An Dasserhyans re askorras niver veur a hwelyow lien Kernowek ynwedh. Mes yma lies kaletter hwath rag an yeth: nyns eus plas fast rag Kernowek yn adhyskans, hag yma lies studhyer an yeth owth hedhi gul devnydh anodho wosa dhiwedh y studhyans.

Savla nowyth an yeth avel daves ranndiryel, gwaynyes yn 2002, a wra chons rag avonsyans meur. A-dhia an vlydhen na, niver a fondyansow a-barth an taves re veu gwrythys, yn arbennek Keskowethyans an Taves Kernowek, hag unn Rewlyores rag displegya an Taves Kernowek a veu dewisys. An Strateji rag an Yeth Kernowek re veu dyllys.

A-dhia 2006, yma keskusulyans tu hag unn furv skrifys savonek. Kernowek Standard a veu avonsyes gans UdnFormScrefys, unn bagas ledan a skoodhoryon skrif-komposter hengovek. Albert Bock ha Ben Bruch a wrug profya Kernowek Dasunys avel dhasfurvyans Kernewek Kemmyn. Yn mis Kevardhu 2007, bagas ad hoc a wrug devisya furv savonek yntra Kernewek Kemmyn ha Kernowak Standard. Byttegyns, nag yw manylyon oll ervirys ha dyllys hwath.

[chanjya] Bagasow

Lies fondyans a hwil avoncya an yeth kernowek.

• Agan Tavas a skoodh Kernewek Unys [1]
• Burow Europek an Yethow Nebes Kewsys: yma ganso dregh kernowek
• Dalleth a skoedhyas megyans fleghes dre Gernewek (lemmyn rann Kowethas an Yeth Kernewek yw)
• Gorseth Kernow: yma dhedhi kevrennow gans gorsedhow erel yn Kembra ha Breten Vian; bardhek/drewydhek yw hy hengovyon hag arwodhogeth [2]
• Kowethas an Yeth Kernewek a skoodh Kernewek Kemmyn hag a dhyllo An Gannas [3]
  • Kesva an Taves Kernewek [4]
• Teer ha Tavas a skoodh Kernewek Nowyjya[5]
  • Cussel an Tavas Kernuack a skoodh Kernewek Nowyjya hag a dhyllo An Garrack

[chanjya] Gwelewgh ynwedh

• Govel Geryow Yma an wiasva ma ow kasa y hwrello Kernowegoryon geryow nowyth warbarth, herwydh an edhomm