Aberfal

Dhyworth Wikipedia, an godhoniador rydh

Falmeth (gwelewgh a-is rag henwyn erel) yw porth orth an arvor soth a Gernow ryb dhowr Fala. Meur y vry yw ystory morek an dre; porth Falmeth yw an downa in Europa west. Negys morek re dhyfegas ha tornyaseth yw moy dhe les hedhyw. An Gwithty Morek Kenedhlek a egoras yn Falmeth in mis Whevrel 2003. In 2004, th'era 18 300 a drigoryon yn Falmeth-Penryn. Lehe a wre poblans;^[1] war-lergh an nyveryans in 2001, th'era poblans a 22 658 dhe Falmeth.

Falmeth a wra radn a bastel-vro Falmeth ha Cambron yn Senedh an Ruwvaneth Unys, hag a Gerrier yn governans ranndiryel. Desedhans cres an Unyversytys Kesunys in Kernow yw Tremogh, por ogas ha Falmeth, hag y'n dre hy honan yma Coljy Unyversyta Falmeth (neb era Coljy Artow Falmeth bys 2005). Drefen an yonkers ow studhya y'n kyrhyn, Falmeth a'n jeves an moyha helyow dons yn Kernow, woja Tewyn Pleustry.

Nyns era mès nebes treven pyscadoryon kens 1613, pan fondyas Syr John Killegrew an dre arnowyth.^[2] Castel Pendynas, war dhowr Fala, o onen a'n dywettha castelly fethys i'n Bresel Civil.

Th'era lies den ow pyskessa rag hern dhyworth porth Falmeth in termyn a veu.^[2]

[chanjya] Henwyn

An hanow Sowsnek rag an dre-ma yw Falmouth. Scriforyon hengovek a ûsyas an hanow ‘Falmeth’,^[3] ‘Falmouth’ in termyn Kernowek dywedhes. I'n 20^ves cansbledhen, an Dasserhyans a greatys hanow nowyth, ‘Aberfal’, ow qwil devnyth a wredh Keltek. War-lergh Craig Weatherhill, war an par aral, ‘Loghfala’ a via gwell a-ban nag eus ensompel a aber in henwyn tylleryow in Kernowek hengovek.

Weatherhill a brofyas ynwedh an hanow ‘Arwennak’, mès yma'n hanow-ma ow styrya lebmyn parth bian a'n dre.

Hanow coth aral an dre o Penny-come-quick in Sowsnek. Yma radn ow leverel tro an hanow-ma devedhys dhyworth Peny-cwm-cuic (‘Penn an Comm Qwyck’),^[4] mès war-lergh erel styr an hanow yw Sowsnek pur.

[chanjya] Pednventydnyow

An erthygel-ma yw screfys yn Kernowek Standard.